BUXORODA “UCH AVLOD UCHRASHUVI” — AN’ANA VA TAJRIBA UZVIYLIGINING YORQIN IFODASI

BUXORODA “UCH AVLOD UCHRASHUVI” — AN’ANA VA TAJRIBA UZVIYLIGINING YORQIN IFODASI
 

Buxoro davlat pedagogika institutida Buxoro viloyati maktabgacha va maktab ta’limi boshqarmasi hamda “Nuroniylar” jamg‘armasi viloyat bo‘limi hamkorligida “Uch avlod uchrashuvi” ma’naviy-ma’rifiy tadbiri yuqori saviyada tashkil etildi.

Tadbirda “Nuroniy” jamgʻarmasi viloyat boʻlimi rahbari Samoydin Husenov hamda Buxoro viloyati maktabgacha va maktab ta’limi boshqarmasi boshlig‘i Hamza Elliyev ishtirok etishdi.
 

Mazkur uchrashuvda ta’lim tizimida uzoq yillar samarali faoliyat yuritgan faxriy ustozlar, bugungi kunda yuqori natijalarga erishib kelayotgan ilg‘or tajribali o‘qituvchilar hamda kelajak pedagoglari bo‘lgan talaba-yoshlar bir davrada jam bo‘lib, o‘zaro fikr va tajriba almashdilar.
 

Tadbir davomida katta avlod vakillari o‘zlarining boy hayotiy tajribalari, ilmiy va ma’naviy merosi bilan o‘rtoqlashib, yosh avlodga muhim tavsiya va maslahatlar berdilar.
 

Shuningdek, uch avlod vakillari o‘rtasida samimiy muloqot muhitini shakllantirish, milliy qadriyatlarimizni asrab-avaylash va avlodlar davomiyligini ta’minlash masalalariga alohida e’tibor qaratildi.
 

Bunday uchrashuvlar ta’lim tizimida ustoz-shogird an’analarini mustahkamlash, yoshlarning ma’naviy kamolotini yuksaltirish hamda tajriba va bilimlar uzviyligini ta’minlashda muhim ahamiyat kasb etadi.
 

Buxoro viloyati maktabgacha va maktab ta'limi boshqarmasi kanallariga a’zo bo‘ling:
Telegram | Facebook |